గవర జాతీయ యువతికి వివాహ సహాయం – అంతర్జాతీయ గౌరీ సేన ఐఖ్య సమాఖ్య కీలక నిర్ణయం

గవర జాతీయ యువతికి వివాహ సహాయం – అంతర్జాతీయ గౌరీ సేన ఐఖ్య సమాఖ్య కీలక నిర్ణయం

అన్నవరం / ప్రకాశం జిల్లా:

గవర జాతీయులకు చెందిన పేద కుటుంబానికి చెందిన ర్. భావానీ అనే యువతికి వివాహం చేయడానికి అంతర్జాతీయ గౌరీ సేన ఐఖ్య సమాఖ్య ట్రస్ట్ ముందుకొచ్చింది. సుమారు 40 సంవత్సరాలు వయస్సు గల భావానీకి ఇప్పటివరకు వివాహం జరగకపోవడానికి పేదరికమే ప్రధాన కారణమని ట్రస్ట్ నిర్వాహకులు తెలిపారు.

ఈ మేరకు ట్రస్ట్ ప్రకటన విడుదల చేయగానే, గవర జాతీయులకు చెందిన అనేక మంది పురుషులు—భార్య మృతి చెందినవారు, పిల్లలు ఉన్నవారు—తమ ఫోటోలు, వ్యక్తిగత వివరాలతో ట్రస్ట్ ఫౌండర్‌ను సంప్రదించారు. ఈ నేపథ్యంలో ట్రస్ట్ ఫౌండర్ ఆడారి ఉమా శంకరరావు స్వయంగా పలువురి ఇళ్లకు వెళ్లి వారి పూర్తి వివరాలను పరిశీలించినట్లు తెలిపారు.

అయితే, గతంలో వివాహం కాని యువతిని కేవలం పేదరికం కారణంగా ద్వితీయ భార్యగా ఇవ్వడం అన్యాయమని భావించి, అటువంటి ప్రతిపాదనలను ట్రస్ట్ తిరస్కరించినట్లు ఆయన స్పష్టం చేశారు. వివాహం జరిగి పిల్లలు లేని లేదా విడాకులు పొందిన మహిళలతోనే అటువంటి పురుషులకు వివాహాలు జరగడం సముచితమని ట్రస్ట్ నిర్ణయించినట్లు తెలిపారు.

ఈ సందర్భంగా ఉమా శంకరరావు మాట్లాడుతూ,

“మేము మ్యారేజ్ బ్యూరో కాదు. గవర జాతీయుల సంక్షేమం, సమాజంలో న్యాయం, గౌరవం నిలబెట్టడమే మా లక్ష్యం”

అని పేర్కొన్నారు.

ఇక ర్. భావానీ విషయానికొస్తే, ఆమె వయస్సుకు తగిన, ఇప్పటివరకు వివాహం కాని వ్యక్తిని ఇప్పటికే ఎంపిక చేసినట్లు తెలిపారు. వరుడు తల్లిదండ్రులు కూడా ఈ వివాహానికి అంగీకారం తెలిపారని, మార్చి నెలాఖరులో అన్నవరం లో ఈ వివాహాన్ని నిర్వహించేందుకు ఏర్పాట్లు జరుగుతున్నాయని వెల్లడించారు. పూర్తి వివరాలు త్వరలో ప్రకటిస్తామని చెప్పారు.

సమాజంలో పేదరికం కారణంగా పెళ్లి కాకుండా మిగిలిపోయే మహిళలకు ఇది ఆదర్శప్రాయమైన నిర్ణయంగా పలువురు గవర జాతీయులు అభిప్రాయం వ్యక్తం చేస్తున్నారు.