భోగి–సంక్రాంతి–కనుమ పండుగల సందర్భంగా అఖిల భారత OBC సంక్షేమ సంఘం జాతీయ అధ్యక్షుడు అంగిరేకుల వరప్రసాద్ యాదవ్ ప్రకటన

భోగి–సంక్రాంతి–కనుమ పండుగల సందర్భంగా అఖిల భారత OBC సంక్షేమ సంఘం జాతీయ అధ్యక్షుడు అంగిరేకుల వరప్రసాద్ యాదవ్ ప్రకటన

తెలుగు ప్రజలందరి ఇళ్లలో సిరిసంపదలు, సకల సుఖ–సంతోషాలు, సౌభాగ్యాలు వెల్లివిరియాలని ఆకాంక్షిస్తూ అఖిల భారత OBC సంక్షేమ సంఘం తరఫున భోగి, సంక్రాంతి, కనుమ పండుగల శుభాకాంక్షలు తెలియజేస్తున్నట్లు సంఘం జాతీయ అధ్యక్షుడు అంగిరేకుల వరప్రసాద్ యాదవ్ ఒక ప్రకటనలో తెలిపారు.

ఆరుగాలం శ్రమించి పండించిన ధాన్యం సిరులుగా ఇంటికొచ్చే ఈ పండుగ వేళ రైతులు, వ్యవసాయ కార్మికులు, సంప్రదాయక చేతివృత్తి–కులవృత్తిదారులు, వ్యాపార వర్గాల ప్రజలు సుభిక్షంగా ఉండాలని ఆయన ఆకాంక్షించారు. సంక్రాంతి పండుగ శ్రమకు గౌరవం, సమాజ ఐక్యతకు ప్రతీక అని పేర్కొన్నారు.

తెలుగు రాష్ట్రాలు అభివృద్ధి, సంక్షేమ రంగాల్లో మరింత పురోగతి సాధిస్తూ ప్రజల ఆకాంక్షలను నెరవేర్చేందుకు ప్రభుత్వాలు బాధ్యతాయుతంగా పనిచేయాలని ఆయన కోరారు. ప్రతి ఒక్కరూ కుటుంబాలతో కలిసి మెలిసి, భారతీయ సంస్కృతిని ప్రతిబింబించేలా సంక్రాంతి పండుగను ఆనందంగా జరుపుకోవాలని పిలుపునిచ్చారు.