ముదిరాజ్ న్యాయవాదుల అసోసియేషన్ రాష్ట్ర అధ్యక్షుడిగా డాక్టర్ వినోద్ కుమార్ ముదిరాజ్ నియామకం

ముదిరాజ్ న్యాయవాదుల అసోసియేషన్ రాష్ట్ర అధ్యక్షుడిగా డాక్టర్ వినోద్ కుమార్ ముదిరాజ్ నియామకం

హైదరాబాద్: తెలంగాణ ముదిరాజ్ న్యాయవాదుల అసోసియేషన్ రాష్ట్ర అధ్యక్షులుగా గౌరవ హైకోర్టు సీనియర్ న్యాయవాది డాక్టర్ రెడ్డబోయిన వినోద్ కుమార్ ముదిరాజ్ నియమితులయ్యారు. ఈ సందర్భంగా ముదిరాజ్ సమాజం నుంచి పలువురు నాయకులు, న్యాయవాదులు, యువత ఆయనకు హృదయపూర్వక అభినందనలు తెలిపారు.

నిత్యం ముదిరాజ్ సమాజ హక్కుల పరిరక్షణ కోసం పోరాడుతూ, ముదిరాజ్ విద్యార్థులు, యువత భావితరాల భవిష్యత్తు కోసం ఆదిలాబాద్ నుంచి హైదరాబాద్ వరకు పాదయాత్ర నిర్వహించి ప్రత్యేక గుర్తింపు పొందిన డాక్టర్ వినోద్ కుమార్ ముదిరాజ్‌కు ఈ పదవి రావడం అత్యంత హర్షణీయమని వారు పేర్కొన్నారు.

న్యాయరంగంలో విశేష అనుభవం కలిగిన ఆయన, ముదిరాజ్ న్యాయవాదులను ఏకతాటిపైకి తీసుకువచ్చి, వారి హక్కులు, సమస్యల పరిష్కారానికి కృషి చేస్తారని విశ్వాసం వ్యక్తం చేశారు. అలాగే ముదిరాజ్ సమాజానికి న్యాయపరంగా మరింత బలాన్ని చేకూర్చడంలో ఈ నియామకం కీలక పాత్ర పోషిస్తుందని తెలిపారు.

ఈ సందర్భంగా గొడుగు శ్రీనివాస్ ముదిరాజ్, మీ తోడేటి సత్యం ముదిరాజ్ తదితరులు డాక్టర్ వినోద్ కుమార్ ముదిరాజ్‌కు అభినందనలు తెలియజేస్తూ, ఆయన నాయకత్వంలో ముదిరాజ్ న్యాయవాదుల అసోసియేషన్ మరింత బలోపేతం అవుతుందని ఆశాభావం వ్యక్తం చేశారు.