బీ.సీ. ఐక్య వేదిక ఆధ్వర్యంలో గెలిచిన బీసీ సర్పంచులకు సన్మానం – గ్రామస్థాయిలో నూతన కమిటీల ఏర్పాటు జరిగింది

బీ.సీ. ఐక్య వేదిక ఆధ్వర్యంలో గెలిచిన బీసీ సర్పంచులకు సన్మానం – గ్రామస్థాయిలో నూతన కమిటీల ఏర్పాటు జరిగింది

శేరిలింగంపల్లి, జనవరి 07:
బీ.సీ. ఐక్య వేదిక తెలంగాణ రాష్ట్ర అధ్యక్షులు బేరి రామచంద్ర యాదవ్ ఆదేశానుసారం రాష్ట్రవ్యాప్తంగా గెలిచిన బీసీ సర్పంచులకు సన్మానం చేయడంతో పాటు గ్రామస్థాయిలో నూతన కమిటీలను ఏర్పాటు చేసే కార్యక్రమం జరిగింది.

ఈ కార్యక్రమంలో భాగంగా తెలంగాణ రాష్ట్ర ముఖ్య కార్యదర్శి ఆర్కే మారుతి ముదిరాజ్ సంగారెడ్డి జిల్లా కోటగిరి, మారుతి తదితర ప్రాంతాల్లో పర్యటించి గెలిచిన సర్పంచులను ఘనంగా సన్మానించారు. ప్రజల సమస్యలపై నిరంతరం పోరాడే ప్రజాప్రతినిధులుగా బీసీ సర్పంచులు నిలవాలని ఆయన ఆకాంక్ష వ్యక్తం చేశారు.

సర్పంచిగా గెలిచిన జమ్గ బి, దత్తు రెడ్డిలను ప్రత్యేకంగా అభినందిస్తూ సన్మానం చేయగా, చాప్టా బి శివాజీ రావు (బీసీ సర్పంచ్), ఘణాపూర్ కృష్ణ ముదిరాజ్ (బీసీ సర్పంచ్) తదితరులను కూడా ఘనంగా గౌరవించారు. కంగిటీ గ్రామంలో కృష్ణ ముదిరాజ్, తుకారాం, రాములు, శ్రీనివాస్, నాందేవ్, గోపాల్ సమన్వయంతో గ్రామ కమిటీల ఏర్పాటు జరిగింది. అలాగే సంగోజిపేట్, జంగి, గాంధీనగర్, రాసోల్ తదితర గ్రామాల్లో స్థానికంగా కమిటీలను ఏర్పాటు చేశారు.

సంగారెడ్డి జిల్లాలో జిల్లా అధ్యక్షులుగా పల్లపు నర్సింలు వడ్డే రాజు, యువజన విభాగం అధ్యక్షులుగా సతీష్ కుమార్ చారి, కార్యదర్శిగా శ్రవణ్ కుమార్ చారి నియామకాలు జరిగాయి. హైదరాబాద్ చుట్టుపక్కల జిల్లాలైన రంగారెడ్డి, నల్గొండ, మేడ్చల్ తదితర జిల్లాల్లో కూడా కమిటీలను ఏర్పాటు చేయాలని ఇన్‌చార్జ్‌లకు సూచించారు.

గ్రేటర్ హైదరాబాద్ ఎన్నికలకు ముందే రాష్ట్రవ్యాప్తంగా బీ.సీ. ఐక్య వేదిక కమిటీలను పూర్తి స్థాయిలో ఏర్పాటు చేస్తామని, ఇందుకు అన్ని జిల్లాల కన్వీనర్లు సమన్వయంతో పనిచేయాలని బేరి రామచంద్ర యాదవ్ పిలుపునిచ్చారు.

ఈ కార్యక్రమంలో రాష్ట్ర ఆర్గనైజర్ సైట్రరీ సిరిపురం హరికృష్ణ చారి, గోపీనగర్ యాదవ్ సంఘం అధ్యక్షులు సిరిపురం రాధాకృష్ణ చారి, ఆర్సిపురం యాదవ్ సంఘం అధ్యక్షులు రాగం రమేష్ యాదవ్, పి. గణేష్ యాదవ్, శేరిలింగంపల్లి బీసీ సంఘం కన్వీనర్ కొత్త మనోజ్ ముదిరాజ్‌తో పాటు బీసీ రాష్ట్ర నాయకులు పాల్గొన్నారు.