బీసీ చైతన్య వేదిక ఆధ్వర్యంలో తిరుపతిలో ప్రెస్ మీట్

బీసీ చైతన్య వేదిక ఆధ్వర్యంలో తిరుపతిలో ప్రెస్ మీట్

ఈ నెల 8వ తేదీ గురువారం ఉదయం 10 గంటలకు, తిరుపతి ప్రెస్ క్లబ్ (శ్రీదేవి కాంప్లెక్స్, తిలక్ రోడ్)లో బీసీ చైతన్య వేదిక ఆధ్వర్యంలో ప్రెస్ మీట్ నిర్వహించనున్నట్లు తిరుపతి జిల్లా అధ్యక్షులు వంక రమణయ్య తెలిపారు.

ఈ ప్రెస్ మీట్‌కు జాతీయ అధ్యక్షులు వీరవల్లి శ్రీనివాస్ అధ్యక్షత వహించనున్నారు. సమావేశంలో జాతీయ, రాష్ట్ర, జిల్లా, మండల స్థాయి పదవుల్లో నూతనంగా నియమితులైన వారి జాబితాను ప్రకటించనున్నారు.

అలాగే, బీసీ చైతన్య వేదిక భవిష్యత్ కార్యాచరణపై స్పష్టత ఇవ్వడంతో పాటు, వచ్చే నెలలో తిరుపతిలో నిర్వహించ తలపెట్టిన బహిరంగ సభకు సంబంధించిన వివరాలను కూడా వెల్లడించనున్నట్లు తెలిపారు.

ఈ సందర్భంగా, తిరుపతి జిల్లాకు చెందిన వివిధ స్థాయి పదవుల్లో ఉన్న నాయకులు, రాయలసీమ జిల్లాల ప్రతినిధులు, అలాగే వారి శ్రేయోభిలాషులు అందరూ ఈ ప్రెస్ మీట్‌కు హాజరై విజయవంతం చేయాలని వంక రమణయ్య కోరారు.