రవీంద్రభారతిలో సావిత్రిబాయి ఫూలే జీ 195వ జయంతి వేడుకలు ఘనంగా

రవీంద్రభారతిలో సావిత్రిబాయి ఫూలే జీ 195వ జయంతి వేడుకలు ఘనంగా

హైదరాబాద్: మహిళా విద్యకు ఆద్యప్రవర్తకురాలు, సామాజిక సంస్కర్త సావిత్రిబాయి ఫూలే జీ 195వ జయంతి వేడుకలు నేడు హైదరాబాద్‌లోని రవీంద్రభారతిలో ఘనంగా నిర్వహించారు. ఈ కార్యక్రమం మహిళా సాధికారత, సామాజిక న్యాయం, సమానత్వ సందేశాలతో ప్రజలను ఉత్సాహపరిచింది.

ఈ వేడుకలకు ముఖ్య అతిథులుగా మంత్రి వి. శ్రీహరి, మాజీ గవర్నర్ బండారు దత్తాత్రేయ, ఎంపీ ఆర్. కృష్ణయ్య, ఎంపీ ఈటల రాజేందర్, మాజీ మంత్రి శ్రీనివాస్ గౌడ్, మాజీ ఎంపీ వి. హనుమంతరావు, ఎమ్మెల్సీ మధుసూదనాచారి పాల్గొని సావిత్రిబాయి ఫూలే జీ చిత్రపటానికి పుష్పాంజలి ఘటించారు.

అలాగే బీసీ ఉద్యమ నేతలు బీసీ జేఏసీ చైర్మన్ జాజుల శ్రీనివాస్ గౌడ్, బీసీ మహిళా సంఘం రాష్ట్ర అధ్యక్షురాలు మణి మంజరి, బీసీ జేఏసీ వర్కింగ్ చైర్మన్ గుజ్జా కృష్ణ తదితరులు హాజరయ్యారు.

ఈ సందర్భంగా వక్తలు మాట్లాడుతూ, అక్షరజ్ఞానం ద్వారా అణగారిన వర్గాలకు వెలుగు చూపిన సావిత్రిబాయి ఫూలే జీ సేవలు చిరస్మరణీయమని పేర్కొన్నారు. మహిళల విద్యాభివృద్ధి, సమాజంలో సమాన హక్కుల సాధనకు ఆమె బాటను అనుసరించాలని పిలుపునిచ్చారు. కార్యక్రమం అంతా జయంతి నినాదాలు, సాంస్కృతిక ప్రదర్శనలతో ఉత్సాహంగా కొనసాగింది.