గుంటూరులో సావిత్రిబాయి ఫూలే జయంతి

గుంటూరులో సావిత్రిబాయి ఫూలే జయంతి

విద్యార్థులకు పండ్ల పంపిణీ చేసిన ఓబీసీ సంఘ నేతలు

గుంటూరు జిల్లాలో సావిత్రిబాయి ఫూలే జయంతి సందర్భంగా అఖిల భారత ఓబీసీ సంక్షేమ సంఘం ఆధ్వర్యంలో పాఠశాల విద్యార్థులకు పండ్ల పంపిణీ కార్యక్రమాన్ని నిర్వహించారు. మహిళా విద్యకు పునాది వేసిన సావిత్రిబాయి ఫూలే సేవలను స్మరించుకుంటూ ఈ కార్యక్రమం ఘనంగా జరిగింది.

ఈ సందర్భంగా అఖిల భారత ఓబీసీ సంక్షేమ సంఘం జాతీయ అధ్యక్షులు శ్రీ అంగిరేకుల వరప్రసాద్ యాదవ్ గారు మాట్లాడుతూ, సమాజంలో విద్యే నిజమైన మార్పుకు మార్గమని, ముఖ్యంగా వెనుకబడిన వర్గాల అభివృద్ధికి సావిత్రిబాయి ఫూలే చూపిన దారి నేటి తరానికి ఆదర్శమని పేర్కొన్నారు. విద్యతో పాటు విద్యార్థుల ఆరోగ్యం కూడా ముఖ్యమని, అందుకే పండ్ల పంపిణీ కార్యక్రమం చేపట్టామని తెలిపారు.

కార్యక్రమంలో రాష్ట్ర గౌరవ సలహాదారులు శ్రీ రాజపుత్ర సత్యం సింగ్ గారు, మార్కెట్ యార్డ్ మాజీ డైరెక్టర్, రాష్ట్ర బీసీ నాయకులు శ్రీ జి.కె. శ్రీనివాస్ యాదవ్ గారు మాట్లాడుతూ, విద్యార్థుల్లో పోషణా అవగాహన పెంపొందించడంలో ఇలాంటి సేవా కార్యక్రమాలు కీలక పాత్ర పోషిస్తాయని అన్నారు.

ఈ కార్యక్రమంలో
ఎస్సీ, ఎస్టీ, బీసీ మైనారిటీ సంఘం గౌరవ అధ్యక్షులు శ్రీ దాసరి జాన్ బాబు,
కుమ్మరి, శాలివాహన సంక్షేమ సంఘం రాష్ట్ర వర్కింగ్ ప్రెసిడెంట్ శ్రీ పారేళ్ళ బసవేశ్వర రావు,
భట్రాజు సంఘం రాష్ట్ర ప్రధాన కార్యదర్శి శ్రీ కృష్ణంరాజు,
ఓబీసీ యువజన సంఘం రాష్ట్ర ఉపాధ్యక్షులు శ్రీ కొనిదే గోపీకృష్ణ,
ఓబీసీ మహిళా సంఘం జిల్లా ప్రధాన కార్యదర్శి శ్రీమతి తులసి,
శాలివాహన సంఘం జిల్లా అధ్యక్షులు శ్రీ కుందుర్తి,
పాఠశాల నిర్వహాకులు శ్రీ పూర్ణ చంద్ర రావు గారు
తో పాటు పలువురు నాయకులు, కార్యకర్తలు పాల్గొన్నారు.

సావిత్రిబాయి ఫూలే ఆశయాలను ముందుకు తీసుకెళ్లేలా విద్య, ఆరోగ్యం, సామాజిక సమానత్వంపై ఇలాంటి కార్యక్రమాలు కొనసాగిస్తామని నిర్వాహకులు తెలిపారు.