విజయవాడలో బీసీ కుల సంఘాల సమావేశం

విజయవాడలో బీసీ కుల సంఘాల సమావేశం

ముఖ్యఅతిథిగా పాల్గొన్న బీజేపీ రాజ్యసభ సభ్యులు ఆర్. కృష్ణయ్య4

విజయవాడ:
ఆంధ్రప్రదేశ్ బీసీ సంఘం ఆధ్వర్యంలో విజయవాడ వేదికగా బీసీ కుల సంఘాల సమావేశం ఘనంగా జరిగింది. ఈ సమావేశానికి బీజేపీ రాజ్యసభ సభ్యులు ఆర్. కృష్ణయ్య ముఖ్యఅతిథిగా హాజరయ్యారు. ఈ సందర్భంగా ఆయన కీలక ప్రకటనలు చేశారు.

➡️ దేశవ్యాప్తంగా బీసీల ఐక్యతను చాటేలా దేశ ప్రధాని నరేంద్ర మోడీ ముఖ్యఅతిథిగా ఐదు లక్షల మంది బీసీలతో భారీ బహిరంగ సభ నిర్వహించనున్నట్లు వెల్లడించారు.

➡️ ఆంధ్రప్రదేశ్‌లో బీసీల హక్కుల సాధనకు, సమన్వయ చర్యల కోసం త్వరలో బీసీ జాయింట్ యాక్షన్ కమిటీ (BC JAC) ఏర్పాటు చేయనున్నట్లు తెలిపారు.

➡️ రాష్ట్రంలో త్వరలో జరగనున్న స్థానిక సంస్థల ఎన్నికల్లో బీసీలకు 34 శాతం రిజర్వేషన్లు తప్పనిసరిగా అమలు చేయాలని రాష్ట్ర ప్రభుత్వాన్ని ఆయన డిమాండ్ చేశారు.

బీసీలు రాజకీయంగా, సామాజికంగా బలోపేతం కావాల్సిన అవసరం ఉందని, అందుకు సంఘటితంగా ఉద్యమాలు సాగించాల్సిన అవసరం ఉందని ఆర్. కృష్ణయ్య ఈ సమావేశంలో పిలుపునిచ్చారు. సమావేశంలో పలు బీసీ కుల సంఘాల నాయకులు, ప్రతినిధులు పెద్ద సంఖ్యలో పాల్గొన్నారు.