ఫిబ్రవరి 2 నుంచి 6 వరకు ఏపీఆర్సెట్–2024 ఇంటర్వ్యూలు

ఫిబ్రవరి 2 నుంచి 6 వరకు ఏపీఆర్సెట్–2024 ఇంటర్వ్యూలు

అమరావతి, జనవరి 20:

ఏపీఆర్సెట్–2024లో అర్హత సాధించిన అభ్యర్థులకు ఇంటర్వ్యూలు నిర్వహించేందుకు ఉన్నత విద్యామండలి నిర్ణయించింది. ఈ మేరకు ఇంటర్వ్యూల షెడ్యూల్‌ను మండలి కార్యదర్శి బి. తిరుమపతిరావు సోమవారం విడుదల చేశారు.

అర్హత పొందిన అభ్యర్థులకు ఫిబ్రవరి 2వ తేదీ నుంచి ఫిబ్రవరి 6వ తేదీ వరకు ఇంటర్వ్యూలు నిర్వహించనున్నట్లు ఉత్తర్వులు జారీ చేశారు. ఈ ఇంటర్వ్యూలను రాష్ట్రంలోని ప్రముఖ విశ్వవిద్యాలయ కేంద్రాల్లో నిర్వహించనున్నారు.

ఆంధ్ర విశ్వవిద్యాలయం, శ్రీ వేంకటేశ్వర విశ్వవిద్యాలయం, ఆచార్య నాగార్జున విశ్వవిద్యాలయం, శ్రీ పద్మావతి మహిళా విశ్వవిద్యాలయం, జేఎన్టీయూ అనంతపురం, జేఎన్టీయూ కాకినాడ ప్రాంగణాల్లో ఇంటర్వ్యూలు జరుగుతాయని ఉన్నత విద్యామండలి కార్యదర్శి తిరుపతి ఒక ప్రకటనలో తెలిపారు.

అభ్యర్థులు తమకు కేటాయించిన తేదీ, కేంద్రానికి సంబంధించిన వివరాలను అధికారిక వెబ్‌సైట్ ద్వారా పరిశీలించాలని ఆయన సూచించారు.