మౌలానా ఆజాద్ నేషనల్ ఉర్దూ యూనివర్సిటీ విద్యార్థులతో కేటీఆర్ భేటీ

మౌలానా ఆజాద్ నేషనల్ ఉర్దూ యూనివర్సిటీ విద్యార్థులతో కేటీఆర్ భేటీ

కాంగ్రెస్ ప్రభుత్వం భూఆక్రమణలపై ఆందోళన వ్యక్తం చేసిన విద్యార్థులు

హైదరాబాద్: కేటీఆర్ మౌలానా ఆజాద్ నేషనల్ ఉర్దూ యూనివర్సిటీ (MANUU) విద్యార్థులతో సమావేశమయ్యారు. గచ్చిబౌలి ప్రాంతంలో ఉన్న Maulana Azad National Urdu Universityకి చెందిన సుమారు 50 ఎకరాల భూములపై కాంగ్రెస్ ప్రభుత్వం నోటీసులు జారీ చేయడంపై విద్యార్థులు కేటీఆర్‌కు వివరించారు.

ఇటీవల కంచె గచ్చిబౌలిలోని సెంట్రల్ యూనివర్సిటీ భూముల విషయంలో చోటుచేసుకున్న పరిణామాల మాదిరిగానే, ఇప్పుడు MANUU భూములను కూడా స్వాధీనం చేసుకునే ప్రయత్నం జరుగుతోందని విద్యార్థులు ఆందోళన వ్యక్తం చేశారు. ఇది విద్యార్థుల భవిష్యత్తు, యూనివర్సిటీ అభివృద్ధిపై తీవ్ర ప్రభావం చూపుతుందని వారు తెలిపారు.

విద్యార్థుల మాటలు శ్రద్ధగా విన్న కేటీఆర్, ఈ అంశం విద్యాసంస్థల స్వయం ప్రతిపత్తి, విద్యార్థుల హక్కులకు సంబంధించిన తీవ్రమైన విషయం అని అన్నారు. కాంగ్రెస్ ప్రభుత్వం తీసుకుంటున్న చర్యలపై ప్రశ్నలు లేవనెత్తుతూ, అవసరమైతే న్యాయపరంగా మరియు రాజకీయంగా పోరాటం చేస్తామని భరోసా ఇచ్చారు.

కాంగ్రెస్ ప్రభుత్వ నేతృత్వంలోని రేవంత్ రెడ్డి సర్కార్ విద్యాసంస్థల భూముల విషయంలో స్పష్టత ఇవ్వాలని, విద్యార్థుల భవిష్యత్తుతో ఆడుకోవద్దని కేటీఆర్ డిమాండ్ చేశారు. MANUU భూముల పరిరక్షణకు బీఆర్ఎస్ పార్టీ విద్యార్థులతో కలిసి నిలబడుతుందని ఆయన స్పష్టం చేశారు.