బీజేపీ ఓబీసీ మోర్చా రాయలసీమ జోన్ – నంద్యాల జిల్లా కమిటీ ప్రకటన .

తేదీ: 06-01-2026

స్థలం: నంద్యాల జిల్లా

నంద్యాల జిల్లాలో బీజేపీ ఓబీసీ మోర్చా జిల్లా కమిటీ ప్రకటన కార్యక్రమం మంగళవారం సాయంత్రం ఘనంగా నిర్వహించబడింది. ఈ కార్యక్రమం బీజేపీ ఓబీసీ మోర్చా నంద్యాల జిల్లా అధ్యక్షులు జక్కుల శ్రీధర్ యాదవ్ గారి ఆధ్వర్యంలో జరిగింది.

ఈ సమావేశానికి ఓబీసీ మోర్చా రాష్ట్ర ప్రధాన కార్యదర్శి బండి ఆనంద్ ముఖ్య అతిథిగా హాజరయ్యారు. అలాగే ఓబీసీ మోర్చా రాయలసీమ జోనల్ ఇంచార్జ్ మేకల బంగారయ్య, ఓబీసీ మోర్చా రాష్ట్ర కార్యదర్శులు ఆసనపురం చంటి, అశోక్ తదితర ముఖ్య నాయకులు పాల్గొన్నారు. కార్యక్రమంలో బీజేపీ పార్టీ అధ్యక్షుడు అభిరుచి మధు గారు కూడా పాల్గొన్నారు.

ఈ సందర్భంగా నాయకులు మాట్లాడుతూ,

ఆంధ్రప్రదేశ్ బీజేపీ అధ్యక్షులు పీవీఎన్ మాధవ్ గారి ఆదేశాల మేరకు పార్టీని క్షేత్రస్థాయిలో మరింత బలోపేతం చేయాలనే లక్ష్యంతో ప్రత్యేక కార్యాచరణకు శ్రీకారం చుట్టినట్లు తెలిపారు.

అలాగే బీజేపీ ఓబీసీ మోర్చా రాష్ట్ర అధ్యక్షులు రొంగళి గోపి శ్రీనివాస్ గారి సారథ్యంలో, రాయలసీమ జోన్ పరిధిలో నంద్యాల జిల్లా ఓబీసీ జిల్లా కమిటీ నియామక ప్రక్రియను విజయవంతంగా పూర్తి చేసినట్లు వెల్లడించారు.

ఈ సందర్భంగా శ్రీ బి. అశ్విని కుమార్‌ను బీజేపీ ఓబీసీ మోర్చా నంద్యాల జిల్లా జనరల్ సెక్రటరీ గానియమించినట్లు అధికారికంగా ప్రకటించారు. నూతన బాధ్యతలు చేపట్టిన అశ్విని కుమార్ పార్టీ బలోపేతం, ఓబీసీ వర్గాల సంక్షేమం కోసం అంకితభావంతో పనిచేస్తారని నాయకులు ఆశాభావం వ్యక్తం చేశారు.