ప్రత్యామ్నాయ రాజకీయ నిర్మాణానికి పిలుపు - రాష్ట్రీయ ప్రజా కాంగ్రెస్

ప్రత్యామ్నాయ రాజకీయ నిర్మాణానికి పిలుపు

అభ్యుదయవాదులను ఆహ్వానించిన రాష్ట్రీయ ప్రజా కాంగ్రెస్

రాజమండ్రి, జనవరి 7:
రాజకీయ కాలుష్యానికి తావులేని నూతన ప్రత్యామ్నాయ రాజకీయ నిర్మాణంతో ఆంధ్రప్రదేశ్‌ను పేదరికం లేని సంపన్న రాష్ట్రంగా తీర్చిదిద్దాల్సిన అవసరం ఉందని రాష్ట్రీయ ప్రజా కాంగ్రెస్ వ్యవస్థాపక అధ్యక్షుడు మేడా శ్రీనివాస్ అన్నారు.

ఆంధ్రుల భవిష్యత్‌ కోసం ఆంధ్ర మాత కన్నీరు పెడుతోందని పేర్కొన్న ఆయన, రాష్ట్ర రాజకీయాల్లో నైతిక విలువలు, సామాజిక బాధ్యత కలిగిన నాయకత్వం అవసరమని స్పష్టం చేశారు. ఈ లక్ష్యంతోనే నూతన ప్రత్యామ్నాయ రాజకీయ నిర్మాణానికి రూపకల్పన జరుగుతోందని తెలిపారు.

రాజకీయంగా ఉజ్వలమైన భవిష్యత్‌ కోసం, ఆంధ్ర రాష్ట్ర అభ్యున్నతి కోసం సామాజిక స్పృహ గల అభ్యుదయవాదులు ముందుకు రావాలని ఆయన పిలుపునిచ్చారు. భారతదేశ చరిత్రలో న్యాయవాదులు, జర్నలిస్టులు, యువతీ–యువకులు, విద్యావంతులైన మేధావులు కీలక పాత్ర పోషించారని గుర్తు చేశారు. ఈ ఉద్యమాన్ని మరో స్వాతంత్ర్య పోరాటంగా భావించి స్వచ్ఛందంగా భాగస్వాములవ్వాలని కోరారు.

ఈ సందర్భంగా పార్టీ నిర్మాణానికి సంబంధించిన బాధ్యతల వివరాలను వెల్లడించారు. ఆంధ్రప్రదేశ్‌లోని 175 అసెంబ్లీ నియోజకవర్గాలకు కోఆర్డినేటర్లు, 25 పార్లమెంటరీ నియోజకవర్గాలకు కన్వీనర్లు, అలాగే రాష్ట్రంలోని 28 జిల్లాలకు అధ్యక్షులు మరియు కార్యదర్శులుగా బాధ్యతలు నిర్వహించేందుకు అర్హులైన వారిని ఆహ్వానిస్తున్నట్లు తెలిపారు.

ఆంధ్రప్రదేశ్ భవిష్యత్‌ కోసం ఆలస్యం లేని త్యాగాలు అవసరమని పేర్కొన్న మేడా శ్రీనివాస్, ఈ మహోన్నత ఉద్యమంలో భాగస్వాములై రాష్ట్ర పునర్నిర్మాణానికి సహకరించాలని విజ్ఞప్తి చేశారు.

ఆశక్తి గల వారు తమ పూర్తి వివరాలను పార్టీ ప్రధాన కార్యాలయానికి పంపవచ్చని తెలిపారు.
ప్రధాన కార్యాలయం: డోర్ నెం. 12-11-113, ఆర్యాపురం, అర్పిసి వీధి (ఆర్పిసి భవన్), రాజమండ్రి – 533104, తూర్పు గోదావరి జిల్లా.
సంప్రదించాల్సిన మొబైల్ నెంబర్: 9248777222.

జై ఆంధ్రప్రదేశ్ – సేవ్ ఆంధ్రప్రదేశ్ అని ఆయన నినదించారు.