గ్రామ సభలో కీలక చర్చలు: పూజ్య బాపు గ్రామీణ రోజ్‌గార్ యోజన పథకం & 125 రోజుల ఉపాధి

సోమయాజులపల్లె (ఓర్వకల్ మండలం), కర్నూలు జిల్లా, ఆంధ్రప్రదేశ్, జనవరి 5:

సోమయాజులపల్లె గ్రామంలో సోమవారం నిర్వహించిన గ్రామ సభలో పూజ్య బాపు గ్రామీణ రోజ్‌గార్ యోజన (VB-GRAM) అమలు, సోషల్ ఆడిట్, కొత్త లబ్ధిదారుల చేర్పు–తొలగింపు, అలాగే ప్రతి కుటుంబానికి 125 రోజుల ఉపాధి కల్పన అంశాలపై విస్తృతంగా చర్చ జరిగింది.

గ్రామస్తులు, సచివాలయ బృందం మరియు అధికారులు ఒకే వేదికపై సమూహంగా సమావేశమై, పథకం అమలులో పారదర్శకత, లెక్కల సరిచేయడం, పనుల నాణ్యతపై దృష్టి పెట్టారు. ప్రత్యేకంగా సోషల్ ఆడిట్ పూర్తి చేసినట్లు అధికారులు వెల్లడించారు. ఆడిట్‌లో లెక్కలు, కూలీల హాజరు, పద్ధతిగల పనుల అమలును పరిశీలించినట్లు తెలిపారు.

గ్రామస్తులు, మహిళలు, యువత ఈ సభలో చర్చించిన అంశాలను సమీక్షించారు. అర్హులైన లబ్ధిదారులను జాబితాలో చేర్చడం, అనర్హుల పేర్ల తొలగించడం ద్వారా పథకం ప్రయోజనాలు నిజమైన అర్హులకు చేరాలన్న అభిప్రాయాన్ని వ్యక్తం చేశారు. ప్రతి కుటుంబానికి 125 రోజుల ఉపాధి కల్పించాలన్న ప్రతిపాదనను ఉన్నతాధికారులకు సిఫారసు చేయాలని గ్రామ సభలో నిర్ణయించారు.ఈ గ్రామ సభలో చర్చించిన అంశాలు 3 జనవరి న ఎటువంటి వేదికపై కూడా బహిర్గతం కాలేదని స్పష్టం చేశారు. గ్రామస్తుల సమక్షంలోనే చర్చలు జరుగుతున్నాయి మరియు ప్రజల సమ్మతితో తీర్మానాలు నమోదు చేయబడ్డాయి.సమావేశానికి సర్పంచ్ శ్రీమతి జయమ్మ గారు అధ్యక్షత వహించారు. గ్రామ పెద్దలు, మహిళలు తెలుగు లక్ష్మీదేవి గారు, లింగమ్మ గారు, సావిత్రి గారు, రామకృష్ణమ్మ గారు, బీబీ గారు, టి. లక్ష్మీ దేవమ్మ గారు పాల్గొన్నారు.

యువత తరఫున మల్లికార్జున్ (ఆర్థిక శాస్త్రవేత్త), బి. రవికుమార్ గారు, బి. రమణ గారు, ఎం. భాస్కర్ గారు హాజరయ్యారు.గ్రామ పంచాయతీ కార్యదర్శి లక్ష్మీకాంత్ రెడ్డి,VB-GRAM టెక్నికల్ అసిస్టెంట్ శ్రీకాంత్, ఫీల్డ్ అసిస్టెంట్ లక్ష్మీ నారాయణ, అలాగే గ్రామ సచివాలయ సిబ్బంది పాల్గొన్నారు.

తీర్మానాలు:

• సోషల్ ఆడిట్ పూర్తయింది మరియు రిపోర్ట్ గ్రామ సభ రికార్డుల్లో నమోదు చేయబడింది.
• అర్హులైన లబ్ధిదారులను జాబితాలో చేర్చడం, అనర్హుల పేర్లను తొలగించడం ద్వారా పథకం ప్రయోజనాలు నిజమైన అర్హులకు చేరేలా చేశారు.
• ప్రతి కుటుంబానికి 125 రోజుల ఉపాధి కల్పించాలన్న ప్రతిపాదన ఉన్నతాధికారులకు పంపించాలని సమ్మతితో తీర్మానం జరిగింది.

గ్రామ సభలో చర్చించిన అంశాలు గ్రామ అభివృద్ధి దిశలో సార్వజనిక పారదర్శకత, సమగ్రత మరియు ప్రజల చైతన్యాన్ని ప్రోత్సహిస్తున్నట్లు అధికారులు తెలిపారు.