రిజర్వేషన్లను 52 శాతానికి పెంచి రాజ్యాంగ సవరణ చేయాలి – బీసీ జేఏసీ

రిజర్వేషన్లను 52 శాతానికి పెంచి రాజ్యాంగ సవరణ చేయాలి – బీసీ జేఏసీ

కాచిగూడ, డిసెంబర్ 7: పంచాయతీరాజ్ వ్యవస్థలో బీసీ రిజర్వేషన్లను ప్రస్తుత 22 శాతం నుంచి 52 శాతానికి పెంచుతూ రాజ్యాంగ సవరణ చేయాలని బీసీ జేఏసీ వర్కింగ్ చైర్మన్ గుజ్జ కృష్ణ కేంద్ర ప్రభుత్వాన్ని డిమాండ్ చేశారు.

బీసీ జనాభా నిష్పత్తికి అనుగుణంగా రిజర్వేషన్లలో రాజ్యాంగబద్ధమైన మార్పులు చేయాలని కోరుతూ, గుజ్జ కృష్ణ ఆధ్వర్యంలోని బృందం ఆదివారం కేంద్ర మంత్రి కిషన్ రెడ్డికి వినతిపత్రాన్ని సమర్పించింది.

తరువాత మీడియాతో మాట్లాడుతూ గుజ్జ కృష్ణ, బీసీ రిజర్వేషన్ల కోసం ప్రాణత్యాగం చేసిన సాయి ఈశ్వర చారి కుటుంబాన్ని ప్రభుత్వం తక్షణమే ఆదుకోవాలని విజ్ఞప్తి చేశారు. ఎన్నో దశాబ్దాలుగా వివిధ ప్రధాన మంత్రులు దేశాన్ని పాలించినా, బీసీల జీవన స్థితిలో పెద్ద మార్పు రాలేదని, “ఎక్కడ వేసిన గొంగళి అక్కడే” అన్నట్లు పరిస్థితి నడుస్తోందని వ్యాఖ్యానించారు.

బీసీలు సంఘటితమై, తమ హక్కుల కోసం ఒక గొంతుకగా నిలబడాల్సిన సమయం వచ్చిందని ఆయన పిలుపునిచ్చారు.

ఈ కార్యక్రమంలో నందగోపాల్, ఉదయ్ నేత, కె. నాగేశ్వరరావు తదితరులు పాల్గొన్నారు.