ఉత్తరాంధ్ర–విజయనగరం బీసీ వృత్తిదారుల అభ్యర్థనలు : బీసీ అభివృద్ధికి ప్రత్యేక చర్యలు తీసుకోవాలని ప్రిన్సిపల్ సెక్రటరీకి వినతి

ఉత్తరాంధ్ర–విజయనగరం బీసీ వృత్తిదారుల అభ్యర్థనలు : బీసీ అభివృద్ధికి ప్రత్యేక చర్యలు తీసుకోవాలని ప్రిన్సిపల్ సెక్రటరీకి వినతి

విజయనగరం, డిసెంబర్ 6, 2025:

ఉత్తరాంధ్ర ప్రాంతం మరియు విజయనగరం జిల్లాలోని వెనుకబడిన తరగతుల (బీసీ) వృత్తిదారులు, వివిధ కులాల అభివృద్ధికి సంబంధించిన పలు కీలక సమస్యలను ప్రభుత్వ దృష్టికి తీసుకువస్తూ, బీసీ సంక్షేమాన్ని బలోపేతం చేయాలని కోరుతూ ప్రిన్సిపల్ సెక్రటరీ ఎస్. సత్యనారాయణ (ఐఏఎస్) గారికి ప్రతినిధి బృందం వినతి పత్రాన్ని సమర్పించింది.

OBC ఫ్రంట్ ఆంధ్రప్రదేశ్ ప్రతినిధి శ్రీమతి ఎలిగాపు విజయలక్ష్మి ఆధ్వర్యంలో సమర్పించిన ఈ వినతిలో బీసీ వర్గాల ఆర్థిక, సామాజిక అభివృద్ధికి సంబంధించిన అనేక అంశాలు ప్రస్తావించబడ్డాయి.

ప్రధాన డిమాండ్లు:

• స్థానిక సంస్థల్లో బీసీలకు జనాభా నిష్పత్తి మేరకు రిజర్వేషన్లు ఇవ్వాలి.
• బీసీల హక్కులను రక్షించే బీసీ రక్షణ చట్టం అవసరమని అభ్యర్థించారు.
• జిల్లాల్లో బీసీ భవనాల నిర్మాణం, బీసీ జాతీయ నాయకుల విగ్రహాల ఏర్పాటు కోసం ప్రభుత్వం ప్రత్యేక నిధులు కేటాయించాలని కోరారు.
• ప్రధానమంత్రి విశ్వకర్మ యోజన కింద వృత్తిదారులకు రుణాలు సమయానికి మంజూరు కావాలన్నారు.
• ఆధరణ పథకం కింద—రజక, నాయీ బ్రాహ్మణ, విశ్వ బ్రాహ్మణ, సాలివాహన తదితర వృత్తికులాల కోసం అధిక సబ్సిడీతో లోన్లు ఇవ్వాలని డిమాండ్ చేశారు.
• బీసీ వర్గాలు చిన్న చిన్న పరిశ్రమలు నెలకొల్పేందుకు ఉచిత స్థలాల కేటాయింపు చేయాలని సూచించారు.

విజయలక్ష్మి మాట్లాడుతూ,

"ఆర్థికంగా వెనుకబడిన బీసీ వృత్తిదారులు తమ జీవనోపాధిని నిలబెట్టుకునేందుకు ప్రభుత్వం అధిక సబ్సిడీతో రుణాలు మంజూరు చేయాలి. బీసీ కార్పొరేషన్‌ను అనేక కుల కార్పొరేషన్లుగా విభజించినా, నిధుల కొరత తీవ్రమైంది. సరైన నిధులు అందితేనే బీసీల అభివృద్ధి సాధ్యం" అని పేర్కొన్నారు.

ప్రిన్సిపల్ సెక్రటరీకి అందజేసిన ఈ వినతిని అధికారులు సానుకూలంగా పరిగణించాలని బీసీ వర్గాలు ఆశాభావం వ్యక్తం చేస్తున్నాయి.